ᓇᓃᓐᓂᖏᑦ ᖃᐅᔨᒋᐊᕐᕕᒃᓴᐃᑦ
ᒫᓂᑑᐸᒥ ᐃᓄᐃᑦ ᑲᑐᔾᔨᖃᑎᒌᖏᑦ ᑖᔅᓱᒥᖓ ᒪᒃᐱᒐᕐᒥᒃ ᐋᖅᑭᒃᓯᓚᐅᖅᐳᑦ ᐃᑲᔪᕈᒪᓪᓗᑎᒃ ᐃᓄᖕᓂᒃ ᑎᑭᓕᓵᖅᑐᓂᒡᓗ ᐅᐃᓂᐸᒡᒧᑦ ᐃᓄᐃᑦ ᓄᓇᓕᖏᓐᓂᑦ. ᑐᙵᕕᒋᔭᐅᔪᓐᓇᖅᑐᓂᒃ ᖃᐅᔨᒃᑲᐃᔾᔪᑎᖃᖅᐳᖅ ᓄᓇᖃᕐᓂᕐᒥᒃ ᐅᐃᓂᐸᐃᒡᒥ. ᒪᒃᐱᒐᖅ ᐃᓗᓕᖃᕐᒥᕗᖅ ᐊᒥᓱᓂᒃ ᐅᖄᓚᐅᑎᓂᒃ ᑐᕌᕈᑎᓂᒡᓗ ᐃᑲᔪᓪᓗᐊᖅᑐᓂᒃ ᐅᓪᓘᓛᖅᑐᓂ, ᐱᓇᓱᐊᕈᓯᐅᓛᖅᑐᓂ, ᐊᕐᕌᒎᓛᖅᑐᓂᓪᓘᓐᓃᑦ.
ᐃᓕᑉᐹᓪᓕᕈᒪᑐᐃᓐᓇᕆᐊᖃᖅᐳᑎᑦ ᐃᓄᐃᑦ ᓄᓇᓕᐸᐅᔭᕐᒦᑦᑐᑦ ᒥᒃᓵᓄᑦ, ᑕᒫᓐᓃᒃᑯᕕᑦ ᐃᓕᓐᓂᐊᕆᐊᖅᑐᕐᓗᑎᑦ, ᐃᖅᑲᓇᐃᔮᒃᓴᖅᓯᐅᕆᐊᖅᑐᕈᕕᑦ, ᐱᔭᕆᐊᖃᕈᕕᓪᓘᓐᓃᑦ ᐋᓐᓂᐊᖃᕐᓂᕐᒨᖓᔪᓂᒃ ᖃᐅᔨᒃᑲᐃᔾᔪᑎᓂᒃ. ᐃᓕᑉᐸᓪᓕᐊᑐᐃᓐᓇᕆᐊᖃᖅᐳᑎᑦ ᖃᓄᖅ ᐊᑐᖅᑕᐅᕙᖕᒪᖔᑕ ᐸᓰᑦ ᖃᓄᕐᓘᓐᓃᑦ ᓇᒧᙵᐅᔪᓐᓇᖃᑦᑕᕐᒪᖔᖅᐱᑦ ᓄᓇᓕᐸᐅᔭᕐᒥ. ᐊᐱᖅᑯᑎᖃᑐᐃᓐᓇᕆᐊᖃᖅᐳᑎᑦ ᓇᓕᐊᑦ ᓄᓇᖃᕐᕖᑦ ᐃᓕᓐᓂᐊᕐᕖᓪᓗ ᓈᒻᒪᓛᖑᓇᔭᕐᒪᖔᑕ ᐃᓚᔅᓯᓐᓄᑦ. ᑖᓐᓇ ᒪᒃᐱᒐᖅ ᑭᐅᔪᓐᓇᔾᔮᙱᑦᑐᒃᓴᐅᓪᓗᓂ ᐊᐱᖅᑯᓯᕆᔪᒪᔭᓕᒫᕐᓂᒃ, ᐃᑲᔪᖅᐹᓪᓕᕈᒪᔪᒎᒐᓗᐊᖅ. ᒫᓂᑑᐸᒥ ᐃᓄᐃᑦ ᑲᑎᔾᔨᖃᑎᒌᖏᑦ ᖃᐅᔨᒋᐊᕐᒃᕕᒋᔪᓐᓇᕐᒥᔭᑎᑦ ᐅᕙᓂ (204) 946-5108 ᐅᕙᓂᓘᓐᓃᑦ 1-877-94-INUIT (4-6848). ᑐᙵᓱᒋᑦ ᐅᐃᓂᐸᖏᒡᒧᑦ!
ᐃᓕᑉᐹᓪᓕᕐᓂᐊᕋᕕᑦ ᓄᓇᓕᐸᐅᔭᐅᑉ ᒥᒃᓵᓄᑦ ᐱᔨᑦᑎᖅᐸᒃᑕᖏᓐᓂᒡᓗ, ᓄᓇᙳᐊᕐᓂᒃ ᑲᑎᖅᓱᓪᓗᐊᖅᐳᑎᑦ ᐊᓯᖏᓐᓂᒡᓗ ᒪᒃᐱᒐᕐᓂᒃ ᐃᑲᔪᕈᑎᒋᓂᐊᕋᕕᒋᑦ. ᐃᒪᓐᓇᐅᔪᒪᑐᐃᓐᓇᕆᐊᖃᖅᐳᑎᑦ:
- ᓄᓇᙳᐊᖅᑖᕐᓗᑎᑦ ᓄᓇᒋᔭᕐᓄᑦ
- ᐅᖄᓚᐅᑎᓯᐅᑎᑖᕐᓗᑎᑦ ᓄᓇᓕᐸᐅᔭᕐᒧᑦ
- ᑐᓴᖅᑎᓪᓗᒋᑦ ᒫᓂᑑᐸᒥ ᐃᓄᐃᑦ ᑲᑐᔾᔨᖃᑎᒌᖏᑦ
311 – ᖃᐅᔨᒃᑲᐃᔾᔪᑏᑦ ᑐᖃᕕᕐᓇᙱᑦᑐᒧᓪᓗ ᐱᔨᑦᑐᕋᐅᑏᑦ
ᐅᐃᓂᐸᐃᒡ ᑐᐊᕕᕐᓇᙱᑦᑐᓄᑦ ᖃᐅᔨᒋᐊᕐᕕᖃᖅᐳᖅ ᑭᐅᕙᒃᖢᑎᒃ ᒐᕙᒪᒃᑯᑦ ᐱᔨᑦᑎᖅᐸᒃᑕᖏᓐᓂ ᓄᓇᓕᐸᐅᔭᕐᒥ. ᓇᖕᒪᐃᔪᓐᓇᖅᐸᐃᑦ 311 ᖃᐅᔨᒋᐊᒃᑲᓐᓂᕈᒪᒍᕕᑦ ᐅᖃᓕᒫᒐᖃᕐᕖᑦ ᒥᒃᓵᑦ, ᐃᖃᐃᓕᓴᓂᕐᒧᑦ ᐱᓕᕆᐊᒃᓴᕐᓄᑦ, ᓄᓇᒃᑰᕈᑏᑦ ᓄᖅᑲᕐᕕᒋᔭᕆᐊᖃᙱᑕᖏᓐᓄᑦ, ᑎᒡᓕᒡᕕᐅᔭᐅᒍᕕᑦ ᐅᖃᐅᓯᕆᔪᒪᒍᕕᐅᒃ, ᑮᓇᐅᔭᑎᒍᑦ ᐃᑲᔪᖅᑕᐅᔪᒪᒍᕕᑦ, ᐊᓯᖏᓐᓂᒡᓗ.
ᐅᐃᓂᐸᐃᒡ ᓄᓇᓕᐸᐅᔭᖓᑕ ᒪᒃᐱᒐᖓ
ᐊᐃᓂᐸᐃᒡ ᓄᓇᓕᐸᐅᔭᖓ ᖃᐅᔨᒃᑲᐃᔾᔪᑎᖃᐅᖅᐳᖅ ᑎᑭᓕᓵᖅᑐᓄᑦ ᑐᕌᖓᓪᓗᐊᖅᑐᓂᒃ ᓄᓇᖃᖅᑳᖅᓯᒪᔪᓂᑦ ᐅᕙᓂ: www.winnipeg.ca/interhom/guide. ᒪᒃᐱᒐᖅ ᓄᓇᙳᐊᖃᕐᒥᔪᖅ. .