ᐱᔾᔪᑎᖏᑦ
ᑐᕌᒐᒃᓴᖓᓄᑦ ᑎᑎᕋᖅᓯᒪᔪᑦ:
ᒫᓂᑑᐸᒥ ᓄᓇᓕᒡᔪᐊᓂ ᓄᓇᖃᖅᑐᑦ ᐃᓄᐃᑦ ᑲᑐᔾᔨᖃᑎᒌᖏᑦ MUIA−ᑯᑦ ᐊᖏᖅᓯᒪᕗᑦ ᑲᔪᖏᖅᓴᐃᔾᔪᑎᖃᕐᓂᕐᒥᒃ ᐊᒻᒪ ᐱᕙᓪᓕᐊᑎᑦᓯᓂᕐᒥᒃ ᐊᑐᓂ ᐃᓄᐃᑦ ᐃᓅᓯᖏᓐᓂ ᒫᓂᑑᐸᒥ ᓄᓇᖃᖅᑐᓂ ᐊᖅᑯᑎᖃᕐᓗᑎᒃ ᒪᓕᒐᕐᓂᒃ ᐃᓕᖅᑯᓯᕐᓄᑦ ᐃᒃᐱᒍᓱᑦᓯᐊᖅᑐᓂᒃ ᐱᓕᕆᐊᑎᒍᑦ ᐊᒻᒪ ᐱᔨᑦᓯᕈᑎᑎᒍᑦ ᐃᑲᔪᖁᓪᓗᒋᑦ ᓱᖏᐅᓴᖅᑕᐅᓂᖏᑦ ᐃᓄᐃᑦ ᖃᓪᓗᓈᑦ ᓄᓇᖓᓐᓂ ᐱᓯᐅᔪᓄᑦ ᐊᒻᒪ ᐊᕙᑎᖓᓐᓄᑦ, ᐃᓄᒃᑎᑐᑦ ᐅᖃᐅᓯᕐᒥᒃ ᐊᑐᕐᓗᑎᒃ. ᑖᒃᑯᐊ ᒫᓂᑑᐸᒥ ᓄᓇᓕᒡᔪᐊᓂ ᓄᓇᖃᖅᑐᑦ ᐃᓄᐃᑦ ᑲᑐᔾᔨᖃᑎᒌᖏᑦ MUIA−ᑯᑦ ᐊᑐᐃᓐᓇᐅᑎᑦᓯᕙᒃᐳᑦ ᐃᑲᔪᖅᑐᐃᔾᔪᑎᓂᒃ ᓄᓇᓕᖕᓂ ᐱᐅᓯᕆᔭᐅᔪᓂᒃ ᐊᑐᖃᓱᐊᕐᖢᑎᒃ ᐊᒻᒪ ᐃᓕᖅᑯᓯᕆᔭᐅᔪᓂᒃ ᐃᓄᐃᑦ ᓄᓇᖓᓐᓂ ᐱᐅᓯᐅᔪᓂᒃ ᐃᖅᑲᓇᐃᔭᖃᑎᒌᖕᓂᒃᑯᑦ ᐊᖑᒻᒪᑎᓕᕐᓂᒃᑯᑦ ᑭᓐᖒᒪᔭᐅᔪᓄᑦ ᐊᒻᒪ ᓄᓇᓕᐅᔪᖅ ᐃᒃᐱᒍᓱᑦᓯᐊᖏᓐᓇᕐᓗᓂ ᐱᓕᕆᐊᖃᖅᑎᓪᓗᒋᑦ ᐱᐅᓯᑐᖃᕐᓂᒃ ᐊᒻᒪ ᐃᓄᐃᑦ ᐊᓐᓂᕆᔭᖏᓐᓂᒃ ᐃᓕᖅᑯᓯᖏᓐᓂᒡᓗ.
ᑭᖑᓂᑦᑎᓐᓂ ᖃᓄᐃᓚᐅᕐᒪᖓᑦ ᑐᓴᒐᒃᓴᑦ::
ᒫᓂᑑᐸᒥ ᓄᓇᓕᒡᔪᐊᓂ ᓄᓇᖃᖅᑐᑦ ᐃᓄᐃᑦ ᑲᑐᔾᔨᖃᑎᒌᖏᑦ MUIA−ᑯᑦ ᐱᒋᐊᕐᕕᐅᕗᑦ ᐱᕙᓪᓕᐊᑎᑦᓯᑎᓪᓗᒋᑦ. ᐊᖏᖅᓯᒪᔪᑦ ᑲᔪᖏᖅᓴᐅᑎᖃᕈᒪᓂᕐᒥᒃ ᐊᒻᒪ ᐱᕙᓪᓕᐊᑎᑦᓯᓂᕐᒥᒃ ᑭᓇᑐᐃᓐᓇᕐᒥᒃ ᐊᒻᒪ ᓄᓇᓕᖓ ᐃᓅᓯᖓᓗ ᐱᐅᓂᖅᓴᐅᓕᖁᓪᓗᒋᑦ ᓄᓇᖃᖅᑐᑦ ᐃᓄᐃᑦ ᒫᓂᑑᐸᒥᐅᑦ ᐊᑐᕐᓗᑎᒃ ᐱᐅᓯᑦᑎᐊᕙᖕᓂᒃ ᐊᒻᒪ ᐃᓕᖅᑯᓯᐅᔪᓂᒃ ᐃᑲᔪᖅᓯᒪᓂᖃᖅᑐᓂᒃ ᖃᓄᐃᖏᑦᓯᐊᕐᓗᓂ ᐃᓅᓂᕐᒧᑦ, ᐊᕙᑎᑦᑎᓐᓄᓪᓗ ᐊᒃᑐᐊᓂᖃᕐᓂᑦᑎᓐᓄᑦ ᐊᒻᒪ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ. ᓂᕆᐅᒃᐳᒍᑦ ᑕᒪᑐᒥᖓ ᓯᕗᒧᐊᒃᑎᑦᓯᔪᒪᓪᓗᑕ ᐃᒪᐃᓕᐅᕐᓗᑕ:
- ᐃᓕᖅᑯᓯᕐᓂᒃ ᐃᒃᐱᒍᓱᑦᓯᐊᕐᓗᑎᒃ ᐱᓕᕆᔾᔪᑎᑦ, ᐱᓕᕆᐊᑦ ᐊᒻᒪ ᐱᔨᑦᓯᕈᑎᑦ ᐃᓕᓐᓂᐊᖅᑎᓄᑦ ᐊᒻᒪ ᓄᓇᖃᖅᑐᓄᑦ
- ᐱᓕᕆᔾᔪᑎᑦ ᐃᓕᖅᑯᓯᖏᓐᓂᒃ ᐃᓄᐃᑦ ᐃᒃᐱᒍᓱᒡᓗᑎᒃ ᐊᖑᒻᒪᑎᓗᑎᒡᓗ ᑭᓐᖒᒪᔭᖏᓐᓂᒃ ᐃᓄᐃᑦ ᑎᑭᓕᓵᖅᑐᑦ
- ᐃᓕᓐᓂᐊᖅᑐᓕᕆᓂᕐᒧᑦ ᐱᓕᕆᔾᔪᑎᑦ ᓴᓇᔭᐅᓯᒪᔪᑦ ᐊᑐᕐᓂᐊᕐᓗᑎᒃ ᐃᓄᐃᑦ ᐃᓕᖅᑯᓯᖓᓐᓂᒃ, ᐅᖃᐅᓯᖓᓐᓂᒃ ᐊᒻᒪ ᖃᓄᐃᖏᑦᓯᐊᕋᓱᐊᕈᑎᖏᓐᓂᒃ.